ÁVARP FRAMKVÆMDASTJÓRA HINSEGIN DAGA

 

Borgarstjóri, góðir gestir, velkomin á elleftu Hinsegin dagana í Reykjavík.

Ladies and gentlemen welcome to the 11th Reykjavik Gay Pride. I will come back to you in English later but first I want to say few words in Icelandic.

Á Hinsegin dögum minnumst við sigrana sem unnist hafa í réttindabaráttu okkar á undanförnum árum, áratugum og öldum og þeirra sem lögðu allt í sölurnar til þess að við getum staðið hér í dag og fagnað því að vera til.
 
Fagnað því að njóta sömu réttinda og aðrir þegnar landsins án þess að búa við almennt hatur, fyrirlitningu og ofbeldi sem tíðkaðist ekki fyrir svo löngu í okkar samfélagi og er enn við lýði í sinni hryllilegustu mynd víða um heim.

Baráttan fyrir réttindum okkar er alþjóðleg og hún á sér rætur í baráttunni fyrir almennum mannréttindum hér á landi og víða um heim. Réttindi samkynhneigðra, tvíkynhneigðra og transgender fólks væru ekki þau sem þau eru í dag ef ekki hefði verið baráttan fyrir jöfnum réttindum kvenna og karla, ef ekki hefði verið barist fyrir réttindum svartra í Bandaríkjunum, vegna þess að öll mannréttindabarátta er tengd, vegna þess að það er ekki hægt að berjast bara fyrir mannréttindum sumra, vegna þess að mannréttindabarátta er algild barátta og nær alltaf til allra karla, kvenna og barna.

Þess vegna er uppreisnin á Stonewall í New York á útfarardegi Judy Garland hinn 27. júní 1969, eða fyrir 40 árum, hluti af okkar sögu. En göngur sem farnar voru ári eftir þessa atburði urðu upphafið af Gay Pride hátíðum um allan heim.
 
Nú fjörtíu árum síðar fögnum við áföngum í sögu okkar hér í Háskólabíói og munum ekki eftir því þegar okkur var meinaður aðgangur að skemmtistöðum, þegar hrækt var á okkur á almannafæri, þegar við vorum barin og smánuð og neitað um vinnu og húsnæði.
 
Samt er svo ótrúlega stutt síðan að þetta var veruleiki þeirra sem voguðu sér að gægjast út úr skápnum og segja sannleikann um sjálfan sig.

Það hafa átt sér stað gífurlegar lagabætur á Íslandi á undanförnum tæpum tuttugu árum og samhliða þeim breytingum hefur átt sér stað viðhorfsbylting á Íslandi.
 
Við hjá Hinsegin dögum viljum þakka okkur hluta af þessum breytingum – en aðeins hluta, vegna þess að við gerum okkur grein fyrir öllu því mikla starfi sem fjölmargar konur og karlar unnu árin og áratugina á undan okkur og í dag og næstu daga þökkum við þeim fyrir þeirra framlag.

Hinsegin dagar hafa frá upphafi notið mikils stuðnings Reykjavíkurborgar sem hefur verið aðalbakhjarl hátíðarinnar frá árinu 2000 og við höfum átt hauk í horni hjá öllum þeim sem gengt hafa embætti borgarstjóra á þessum tíma.
 
Án stuðnings borgarinnar væru Hinsegin dagar ekki jafn glæsileg hátíð og raun ber vitni.

Það er mér mikil ánægja og heiður að tilkynna ykkur hér í dag að enn á ný hefur Reykjavíkurborg undir forystu nýs borgarstjóra staðfest stuðning sinn við Hinsegin daga, eins og borgarstjóri kemur nánar inn á hér á eftir.
 
Gefum borgarstjóranum í Reykjavík og Reykjavíkurborg gott klapp og þökkum henni fyrir ómetanlegan stuðning.

Ladies and gentlemen. There is no struggle for lesbian, gay, bisexual and transgender rights – there is only struggle for human rights. With out making allies across cultural and sexual borders no real victories can be won.

Here in Iceland we are blessed to be secured with same legal rights as other citizens of the country because straight politicians, mothers, fathers, brothers, sisters and friends have joined us in our fight for equal rights.

We are proud of our Pride-parade where tens of thousands of our straight families and friends come together with us to celebrate human rights, because we all know that a society where human rights are respected is a better and more constructive society than societies where human rights are not part of the culture.

But human rights can never be taken for granted and that's why we have to keep on fighting for them in our own country and around the world and remind our selves that only by doing so will hatred and narrow-mindedness be kept away and in the hearts of the few.

The City of Reykjavik has from the beginning of Reykjavik Gay Pride been our main supporter and sponsor and today the Honerable Mayor of Reykjavik, Misses. Hanna Birna Kristjánsdóttir will sign a new contract with the Reykjavik Pride.

Góðir gestir, um leið og ég lýsi Hinsegin daga í Reykjavík 2009 setta, vil ég bjóða velkomna á svið borgarstjórann í Reykjavík, Hönnu Birnu Kristjánsdóttur.
 
Ladies and gentlemen please welcome the Mayor of Reykjavík.

Góða skemmtun.

Heimir Már Pétursson, framkvæmdastjóri Hinsegin daga í Reykjavík
Heimir Már Pétursson, Executive director of Reykjavik Gay Pride

http://LTtravel.com