HINSEGIN DAGAR

Gönguverkstæðið hefur opnað

25.7.2006

Gönguverkstæði Hinsegin daga verður opnað þriðjudaginn 25. júlí klukkan 20:00. Verkstæðið er staðsett á Skúlagötu 51, kjallara, og þar er gengið inn frá Skúlagötu, beint neðan við port Lögreglustöðvarinnar. Í tilefni dagsins verða léttar veitingar verða í boði og allir eru hjartanlega velkomnir.

Viltu vera með atriði í gleðigöngunni?

Atriðum í gleðigöngunni hefur fjölgað ár frá ári og mörg hver hafa verið einstaklega glæsileg. Til þess að setja upp gott atriði er mikilvægt að hugsa málin með fyrirvara. Góð atriði þurfa ekki að kosta mikla peninga. Gott ímyndunarafl og liðsstyrkur vina og vandamanna dugar oftast nær. Á verkstæði Hinsegin daga geta allir sem eru að setja saman atriði saumað og smíðað og nýtt sér það skraut sem er á boðstólum hverju sinni. Þau sem geta lagt til verkfæri, saumavélar og svo framvegis, vinsamlegast hafið samband við göngustjóra. Þátttakendur sem ætla að vera með formleg atriði í göngunni verða að tilkynna það til Hinsegin daga fyrir 6. ágúst í síðasta lagi. Hægt er að skrá atriði á vefsíðunni eða með því að senda tölvupóst á kaos@simnet.is eða heimirmp@simnet.is. Einnig má hafa samband við Katrínu göngustjóra í síma 867 2399 eða Heimi Má framkvæmdastjóra í síma 862 2868.

-Hinsegin dagar í Reykjavík 2006