HINSEGIN DAGAR

 

• Dagskrá
• Fréttir
  • Fréttasafn
  • Allar fréttir
  • Fréttatilkynning 2006
• Gleðigangan
• Skemmtikraftar
• Um Hinsegin daga
• Myndir og myndbönd
• Umsóknareyðublöð
• Félagsaðild
• Tenglar
• VIP kort
• Forsíða
• English

Borgarstjóri prúðbúinn við setningu Hinsegin daga

6.8.2010

Jón Gnarr borgarstjóri í Reykjavík klæddi sig upp fyrir opnunarhátíð Hinsegin daga í Íslensku óperunni í gærkvöldi og sló á létta strengi við góðar undirtektir hátíðargesta. Uppselt var á opnunarhátíðina en Hinsegin dagar bjóða upp á fjölbreytta dagskrá í dag og næstu daga.

Opnunarhátíð Hinsegin daga hefur fest sig í sessi sem ómissandi upphaf þessarar skemmtilegustu hátíðar í Reykjavík. Á dagskrá opnunarhátíðarinnar í Óperunni í gærkvöldi (fimmtudag) var m.a. ávarp borgarstjóra. Borgarstjórinn kom hátíðargestum hins vegar þægilega á óvart með því að bregða á leik.

Eftir að Heimir Már Pétursson framkvæmdastjóri Hinsegin daga hafði flutt stutta ræðu og kynnt borgarstjóra til leiks, mætti prúðbúin miðaldra kona á svið sem sagðist vera að hlaupa í skarðið fyrir borgarstjóra. Hann væri upptekinn. Kannski í Múmíndal.

Áhorfendur tóku þessu gleðibragði borgarstjóra með miklum fögnuðu enda var hann skemmtilegur í atriði sínu, en kom því jafnframt til skila að Reykjavíkurborg væri stolt af samstarfi sínu við Hinsegin daga og hyggðist halda því áfram. Enda væru Hinsegin dagar einn stærsti viðburðurinn í Reykjavík ár hvert.

Hér fyrir neðan er ávarp Heimis Más,  framkvæmdastjóra Hinsegin daga, á opnunarhátíðinni í gærkvöldi:

Ávarp framkvæmdastjóra

The address of the executive director of Reykjavík Gay Pride (partly in English)

Góðir gestir, velkomin á tólftu Hinsegin daga í Reykjavík.

 

Queens, ladies, strong women and gentle-boys, welcome to the Opening Ceremony of the twelfth Reykjavík Gay Pride. I will come back to you in English later, but first I want to say few words in Icelandic.

 

Hinsegin dagar hafa vaxið með ótrúlegum hætti á undanförnum ellefu árum og eru nú einn stærsti viðburðurinn í menningardagatali borgarinnar en á síðasta ári sóttu um 80 þúsund manns hátíðina.

Barátta samkynhneigðra, tvíkynhneigðra og transgender fólks fyrir fullum mannréttindum á Íslandi nær áratugi aftur í tímann. Hundruð og jafnvel þúsundir kvenna og karla hafa lagt sitt af mörkum til að ná þeim árangri að í dag er Ísland eitt fárra ríkja í heiminum þar sem hinsegin fólki eru tryggð full réttindi á við aðra samfélagsþegna.

 

Nú síðast á þessu ári samþykkti Alþingi ein og sameiginleg hjúskaparlög fyrir alla landsmenn og tóku lögin gildi á alþjóðlegum baráttudegi hinsegin fólks hinn 27. júní síðast liðin.

Sú dagsetning er engin tilviljun. Allar meiriháttar lagabreytingar okkur til handa hafa tekið gildi á þessum degi að ósk okkar. Vegna þess að þennan dag, 27. júní 1969, á útfarardegi Judy Garland, risu lesbíur, hommar og transgender fólk upp og streittist í fyrsta skipti sem hópur gegn ólögmætum og óréttlátum handtökum á Stonewall barnum í New York.

 

Þorpið á neðri hluta Manhattan logaði í óeirðum í þrjá til fjóra daga og hinsegin fólk sem hópur hafði öðlast baráttuþrek og virkjað kraft samstöðunnar sem hefur vaxið óslitið síðan víða um heim.

 

Gleymum því aldrei að barátta okkar er ekki einstæð hér á Íslandi. Hún var, er og verður gerð möguleg vegna samstöðu okkar og tengsla við umheiminn. Strákarnir og stelpurnar sem slógust við lögregluna í New York 27. júní 1969 slógust líka fyrir okkur og allir þeir sem hafa sótt ofsóknum hér á Íslandi sem og annars staðar vegna kynhneigðrar sinnar hafa gert það fyrir okkur og við erum því í mikilli þakkarskuld við allt þetta fólk.

 

Á Hinsegin dögum minnumst við sigrana sem unnist hafa, minnumst þeirra sem hafa gengið í brjósti fylkingar á undan okkur og þökkum þeim af heilum hug fyrir baráttu þeirra.

 

En þótt við stöndum nú á merkum tímamótum hér á Íslandi í lagalega öruggu umhverfi, þýðir það ekki að við getum lagt árar í bát og djammað inn í framtíðina. Við skuldum systrum okkar og bræðrum um allan heim að standa með þeim. Samkynhneigð er ólögleg í um 70 ríkjum heims og í um tug ríkja liggur dauðarefsing við því að elska, að elska fólk af sama kyni. Á meðan þetta er staðan getur engin lesbía, enginn hommi, engin transgender manneskja hallað sér aftur og slappað af.

 

Nú síðast í dag bárust fréttir af því að 19 ungir menn voru húðstrýktir 30 sinnum hver opinberlega í Súdan fyrir að klæða sig í kvenmannsföt, mála sig og dansa, eins og það var kallað, ögrandi dansa. Forseti landsins segir samkynhneigð ekki liðna í landinu enda sé hún innflutt hugmynd.

Við fordæmum villimennsku eins og þessa og sendum þessum mönnum okkar baráttukveðjur.

 

Hinsegin dagar hafa í gegnum árin skrifað borgarstjórum, héraðsstjórnum og ríkisstjórnum víða um heim og mótmælt meðferð þeirra á systrum okkar og bræðrum. Sjálfur sótti ég fyrstu löglegu göngu hinsegin fólks í Varsjá í Póllandi árið 2006, sem í ár náði þeim ánægjulega áfanga að fagna rúmlega fimmtíu þúsund gestum á Europride.

 

Ladies and gentlemen. Here in Iceland we have struggled for full human rights for LGBT people for decades. This year we celebrated on the 27th of June one and universal marriage law for all citizens and our Prime Minister, Jóhanna Sigurðardóttir, and her wife were one of the first to register their marriage under the new law.

 

But even though we are so lucky to have liberal government and parliament who have worked with us to go so far legally, we must never forget that our struggle for human rights is universal. As long as lesbians, gay men, bisexuals and transgender people are persecuted for being who they are, we have work to do.

 

Only today it was on the news that 19 young men in Sudan had been lashed 30 times in public for dressing up in female clothing, painting their faces and dance provocatively.

 

We may never rest until all of us around the world can celebrate full human rights and freedom. We owe it to the past generations, to the future and we owe it to our self's.

 

Human rights can never be lived and preserved unless we stay vigilant and stand by all of our sisters and brothers where ever they live in the world.

At Reykjavík Gay Pride we celebrate past victories and thank all the thousands of people who have in their private life or by community work fought for our dignity and freedom. At Reykjavík Gay Pride we come together; lesbians, gay men, bisexuals and transgender people with our friends and families to have fun but also to promise never to give into those who want to oppress us or even kill us for being who we are.

Kæru vinir.

 

Ég hef frá upphafi Hinsegin daga unnið með hundruð kvenna og karla að því að byggja hátíðina upp. Við vorum ekki mörg fyrstu árin sem skipulögðum þessa hátíð og unnum að undirbúningi hennar allt árið. Við gengum í öll verk sem vinna þurfti, hvort sem það var að safna peningum, bóka skemmtistaði, halda úti vefsíðu, skrifa greinar í dagskrárrit, sleikja frímerki og ýmislegt annað og funda með lögreglu, borgarstjórum og fleira fólki. Þau eru ótalmörg verkin sem þarf að ganga í til að hátíð sem þessi verði til og með tímanum hefur okkur vaxið fiskur um hrygg og æ-fleiri kunna nú að skipuleggja Hinsegin daga, hver á sínu sviði.

Með árunum hafa fleiri bæst í hópinn og enn kemur nýtt fólk til starfa. Ég er óendanlega stoltur af Hinsegin dögum og því sem þeir hafa áorkað í baráttu okkar allra. Ekkert verkefni sem ég hef tekið þátt í hefur skipt mig meira máli og engin hátíð er mér kærari en Hinsegin dagar í Reykjavík.

En eftir ellefu ár finnst mér tími til kominn að draga mig í hlé og eftirláta öðrum, kannski yngri, að vera í fararbroddi þessarar bestu hátíðar í Reykjavík. Það þýðir ekki að ég muni ekki áfram leggja hátíðinni lið, en ég mun ekki gefa kost á mér stjórn hátíðarinnar þegar kjörtímabili mínu lýkur á næsta aðalfundi og þar af leiðandi ekki leggja hátíðinni til eins mikinn hluta af tíma mínum og hingað til.

.

Þetta geri ég í trausti þess að Hinsegin dagar hafi slitið barnsskónum og séu nú á beinu brautinni og í höndum góðra kvenna og karla.

 

Ég vil þakka öllum þeim sem ég hef verið svo lánsamur að vinna með undanfarin ellefu ár og þá alveg sérstaklega Þorvaldi Kristinssyni forseta okkar sem eins og ég og nokkrir aðrir hafa fylgt hátíðinni frá upphafi.

 

En ég vil ekki síður þakka ykkur sem hér eruð og tugþúsundum Íslendinga fyrir ykkar þátt, ykkar hlýju og vit sem þið hafið lagt hátíðinni til.

Án ykkar væru engir Hinsegin dagar í Reykjavík.

Ladies and gentlemen, we are about to begin our great event. The City of Reykjavík has from the beginning of Reykjavík Gay Pride in 1999 been our biggest and most loyal supporter and sponsor. Last year a three year contract with the City was renewed supporting us with one third of our annual budget.

 

It gives me great pleasure to proudly present to you the newly elected Mayor of Reykjavík, Mr. Jón Gnarr, leader of the Best Party, who swept up the city council elections this spring.

Góðir gestir, bjóðum velkominn á svið borgarstjórann í Reykjavík, herra Jón Gnarr.

Dagskrá Hinsegin daga